Wikipedia:De kaffee

Van Wikipedia
Naar navigatie springen Naar zoeken springen

Important: Please don't bother us with any translation requests for articles. These disrupt the ordinary work on this Wikipedia and are more often than not intended for POV pushing. If you do, this may result in an infinite block.


Wilkóm in de kaffee
Voog hie e nuuj berich toe

Hie in de kaffee kans te kalle, praote, zjwetse, tatere, awhore, leutere, klasjenere euver al wat rillevant is veur ós projek en de Wikimedia-welt daoboete. Höbs te 'n vraog euver wie al hie functioneert, dan sjtil ze ós hie. Wils te aan 'n artikel of e gans projek beginne en mós te dao toewsjtumming veur höbbe, dan biste hie ouch op de gooj plaots. En intersante mitdeilinge zien natuurlik al eve wilkom.

Hawt astebleef wel de Wikiquette in de gater: blief vruntelik, gank neet mitein sjelle of keke, wach röstig op 'n antwoord. Zoe hawte veer de Wikipedia e bitteke laefbaar.

Beer mug icon.jpg
Red Wine Glass.jpg

In de Limburgse kaffee weurt natuurlik beer gesjöd, wien of 'n aelske gedrónke. Whisky en port zint ouch veurraodig, dus euver de grènze kieke doont veer toch waal. Veur de luuj, die geinen alcohol drinke is d'r koffie, thee en milk. Water, Sherry en champagne mótte veer nog bie de naober haole.
Veur debie e sjtök vla of 'n waffel, huidvleisj of rommedoe op zjwart broad,
'n tas sóp, e bruèdsje mèt sjink, 'ne zoere hièring, e videeke of gewoon get neutsjes.

Geneet, mer drink mit maote, en sjmiet neet mit aw reskes drank.

"Alles mit maote", zag de snieder. Doe sloog 'r zie vrouw mit d'n èllestek.

En natuurlik loestere v'r ónderwiel nao muziek of zinge gezellig same e leedsje mèt.

As te gei Limburgs sjpriks:
Flag of the Netherlands.svg Schroom niet om hier in het Nederlands te schrijven!
Flag of Germany.svg Man kann hier auch auf Deutsch schreiben!
Flag of France.svg N'hésitez pas à écrire en français !
Flag of the United Kingdom.svg You can write in English here!
Frisian flag.svg Jo kinne hjir ek yn it Frysk skriuwe!
Je kunt hier ook in andere Nederlandse en Vlaamse streektalen schrijven!
...and we might even understand other Germanic or Romance languages.

NL-LimburgVlag.svg En as te waal Limburgs sjpriks, mer neet wits wies te 't kans sjrieve: probeer 't ins!


Zuug veur awwer discussies archief 2005, archief 2006 (1), archief 2006 (2), archief 2007 (1), archief 2007(2), archief 2008, archief 2009, archief 2010/11, arsjief 2011-13, arsjief 2013/14, Arsjief 2015-16, Arsjief 2016-17, Arsjief 2018-19


Datum-artikele "oontstumpe"

Leef lui,

Wiet geer woersjijnelek wèt zien väöl artikele op de Limbörgse Wikipedia nog kort. Op 't memint vaan sjrieve zien 1.591 artikele es "sjtumpke" aongemerk. Dat is neet zoe'n ramp, want laank neet allemaol zien ze extreem kort en de mieste beeje wel mie informatie en ei kort zinneke. Boe iech evels gere vaanaof wèl zien stumpkes vaan data. D'n datum steit op 't Veurblaad, en is aonklikbaar. Wee nui is op de Limbörgse Wikipedia, zal dèks d'n datum es ierste aonklikke. Es dat artikel daan mer oet e paar feitsjes besteit, is dat gein gooj reclaam.

Es iech good höb getèld zien momenteel 48 vaan de 366 datum-artikele nog stumpkes. Iech stèl veur tot we die veur 't ind vaan 't jaor allemaol wegwerke door ze oet te breie nao volweerdege artikele. V'r höbben 't geluk tot september compleet stumpkesvrij is en oktober ouch bekaans. Es v'r noe de sjouwers droonder zètte, hove die korte datum-lemmata noets mie vaanaof 't Veurblaad gelink te stoon! Steinbach (euverlègk) 15 sep 2018 10:50 (CEST)

Mètdoen is neet verpliech. Mètpraote is wel gewuns. Steinbach (euverlègk) 1 okt 2018 00:16 (CEST)
Hie haw ich bliekbaar euverhaer gekeke...
Ich höb zelf neet d'n tied daoveur en de ieërlikheid gebèdj mich te zègke det ich jaor- en daagartikele neet zoea spannendj vinj (saai dus veur te sjrieve). Ich kan waal 'ns kieken of ich get kan oetbreie. --OosWesThoesBes (euverlègk) 1 okt 2018 12:41 (CEST)
Jao, dat bin iech mèt diech ins. 't Is väöl routinewerk en 't mins sexy oonderwerp watste diech kins veurstèlle. Meh 't moot wel gebäöre (vin iech). Watste in eder geval kins doen (geer allemaol trouwens) is beveurbeeld: geboorte- en sterfdata touwveuge este 'n biografie aonmaaks, of vaanoet 't Nuits belaankrieke feite touwveuge. Steinbach (euverlègk) 1 okt 2018 12:56 (CEST)
Det is inderdaad waal get veur innen achterkop te haje. --OosWesThoesBes (euverlègk) 2 okt 2018 11:20 (CEST)

The GFDL license on Commons

20 sep 2018 20:11 (CEST)

Wikinuits

Leef lui, dit verdeent wel eus aondach en felicitaties. Nao mie es tien jaor is 't Ooswesthoesbes gelök um de Limbörgstaolege Wikinuits goodgekäörd te kriege! Dat wèlt zègke: 't is noe allein nog wachte tot de developers de site höbbe opgezat en daan besteit ze ech. Details dao-euver vint g'r hei-oonder. Veur zoe laank es 't doort vint geer de Wikinuits nog hei; binnekort zouw evels deze link mote goon wèrke. Steinbach (euverlègk) 1 okt 2018 00:16 (CEST)

't Haet inderdaad efkes gedoerdj, meh mitte kóms van 'ne nuje gebroeker höbbe v'r 't gesjaf :) --OosWesThoesBes (euverlègk) 1 okt 2018 12:44 (CEST)
Ich haop det 't dees kieër ech get weurt mit dees Wikinuujs, mer of 't väöl kans maak ... ich wit 't neit, sorry. De Wikischim (euverlègk) 13 okt 2018 17:38 (CEST)
Perfisia! Dit is hartstikke sjoen! Iech dink tot weldegelek kans heet op slage, want volges miech is Wikinuits al mie es 'n jaor up-to-date!--Zeiverklaos (euverlègk) 19 okt 2018 15:28 (CEST)
E gans jaor nanneet, meh waal al vanaaf jannewarie :) --OosWesThoesBes (euverlègk) 19 okt 2018 16:36 (CEST)

Nui veurblaadartikel

Daag edereine, iech wèl ins 'ne kier vaan die Ribkwalle op 't Veurblaad aof. Die heet edereine noe wel gezeen. 't Artikel is beveurbeeld in augustus mer 156 kier bekeke, dewijl 't toch pontificaol veurop steit. Dus höb geer suggesties veur e nui, good artikel, 't leefste Limbörgs vaan oonderwerp? Steinbach (euverlègk) 1 okt 2018 00:16 (CEST)

't Zal waal lestig waere veur e Limbörgs óngerwerp te vinje (zeker es 't neet-taalkóndig mót zeen). Veur noe liek mich, tródsdet 't get roead is, Peerdesport 't bèste alternatief. --OosWesThoesBes (euverlègk) 1 okt 2018 12:47 (CEST)
Aardeg idee, allein: 't is weer vaan miech... (En passant: Pahles, Stephan 0796, Zeiverklaos, wat tunks geer heivaan?) Steinbach (euverlègk) 3 okt 2018 17:13 (CEST)
Iech bin akkoord. - Pahles | zègk 't mer 4 okt 2018 13:13 (CEST)
Ich zouw geer wille wete, wat uur ónger good versjteet. Meint uur beivuurbild sjterartikele of lang artikele oane feëler? Missjien zint de artikele vakwerkhoes en Limburgse literatuur gouw alternatieve; die zint in jieëker geval waal Limburgs. --Stephan (euverlègk) 4 okt 2018 14:19 (CEST)
Ich vinj "vakwerkhoes" waal e good alternatief. --OosWesThoesBes (euverlègk) 4 okt 2018 14:53 (CEST)
@Stephan: Dinkelek verstoon v'r neet allemaol perceis 'tzelfde oonder 'good'. Es 't zuver um kwaliteit geit, mooste idd aon Staarartikele dinke. Daan moot 'n artikel vrij laank zien (of beter: compleet; euverdreve laank id ouch neet de bedoeling), 't moot geinen twiefel geve euver de correkheid en 't leefste moot 't veurzeen zien vaan bronne. Veur miech hoof e Veurblaadartikel neet per se e Staarartikel te zien. Representatief moot 't evels wel zien: lezers mote zien wat veer in hoes höbbe en weure geprikkeld door wat ze zien. Veur dat lèste is 't sjiek um noe en daan e Limbörgs oonderwerp te höbbe, en zoewiezoe um regelmaoteg 't artikel te wissele en versjèllende dinger oonder de aondach te bringe.
@edereine: 't Artikel vakwerkhoes vaan Aelske is prima. Iech gaon 't astrein op 't Veurblaad zètte! Steinbach (euverlègk) 4 okt 2018 16:29 (CEST)
Danke, Steinbach! --Stephan (euverlègk) 5 okt 2018 19:08 (CEST)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Wikipedia:De_kaffee&oldid=429677"